Ҡотлауҙар

13 ғинуар – Рәсәй матбуғаты көнө
Хөрмәтле матбуғат хеҙмәткәрҙәре!
Һөнәри байрамығыҙ – Рәсәй матбуғаты көнө айҡанлы ихлас ҡотлауҙарҙы ҡабул итегеҙ!
Бөгөн матбуғат баҫмалары үҙҙәренең йәмғиәткә хеҙмәт итеү буйынса күп быуатлыҡ традицияларына тоғро ҡалып, беҙҙең көндәлек тормошобоҙҙа мөһим роль уйнай, донъяла демократия һәм граждандарҙың килешеп йәшәүе үҫешенә булышлыҡ итә, заманыбыҙҙың иң мөһим һәм көнүҙәк һорауҙарына яуап табырға ярҙамлаша.
Беҙҙең райондың киң мәғлүмәт саралары һуңғы йылдарҙа әүҙем үҫеште. Һеҙҙең профессиональ оҫталығығыҙ, күтәрелгән проблемаларҙы төптән өйрәнеүегеҙ, ваҡиғалар уртаһында ҡайнауығыҙ беҙҙең халыҡҡа иҡтисади һәм сәйәси хәл-ваҡиғалар тураһында хәбәрҙар булырға ғына түгел, әхлаҡи һәм гражданлыҡ позицияһын билдәләргә лә ярҙам итә.
Беҙҙең журналистар артабан да үҙҙәренең профессиональ бурыстарына тоғро ҡалыр, һәр яңылыҡты тотоп алып, үҙҙәренең көндәлек эше менән йәмғиәтебеҙҙең алға китешенә булышлыҡ итер, тип ышанам.
Һеҙгә һәм һеҙҙең яҡындарығыҙға ныҡлы сәләмәтлек, именлек һәм бәхет, яңы ижади уңыштар теләйем.
И. СИТДЫҠОВ,
муниципаль район хакимиәте башлығы.


12 ғинуар – РФ прокуратураһы хеҙмәткәрҙәре көнө
Һеҙ – һәр саҡ Конституция һағында
Хөрмәтле прокуратура хеҙмәткәрҙәре!
Ысын йөрәктән һеҙҙе һөнәри байрамығыҙ менән ҡотлайым!
Прокуратура – илебеҙҙең хоҡуҡ һаҡлау структураһының мөһим нигеҙе, ныҡлы таянысы. Ул дәүләт именлеген һаҡлаған закондар һағында тора. 
Прокуратура хеҙмәткәре булыу ҙур яуаплылыҡ өҫтәй. Һеҙҙең ныҡышмал, принципиаль, ғәҙел булыуығыҙ Рәсәй граждандарының хоҡуҡтарын яҡлай, енәйәтселек һәм коррупцияға ҡаршы арымай-талмай көрәшергә көс бирә. Һеҙ – һәр саҡ Конституция һағында, шул рәүешле беҙҙең закондарҙы теүәл үтәйһегеҙ.
Район прокуратураһы хеҙмәткәрҙәре киләсәктә лә дәүләт, халыҡ алдындағы бурыстарын намыҫлы үтәр, һәр граждандың законлы мәнфәғәтен яҡлар, тип ышанам.
Барығыҙға ла ныҡлы һаулыҡ, именлек, бәхет, хеҙмәтегеҙҙә уңыштар теләйем!
И. Ситдыҡов,
муниципаль район хакимиәте башлығы.