Ишетелә төҫлө Ҡыш бабайҙың
Пар аттарҙа сабып килгәне,
Янындағы ҡыҙы Ҡарһылыуҙың
Сылтыратып ихлас көлгәне.
Онотолһон әйҙә борсолоуҙар,
Бошоноуҙар ҡалһын был йылда.
Ихлас ҡыуандырыр ҙур уңыштар,
Насип булһа, килер быйыл да.
Ҡупшы шыршылағы йондоҙсоҡтай
Күңелдәрҙән шатлыҡ һибелә.
Тирә-йүнде аҡлыҡ, сафлыҡ ҡаплай,
Еребеҙгә Яңы йыл килә!
Зилә Ғәйетҡолова.
Комментариев нет:
Отправить комментарий
Примечание. Отправлять комментарии могут только участники этого блога.