1 мар. 2012 г.

Тәбиғәт һәм беҙ

Тағараҡ элдек ҡоштарға

Ярат мәктәбе уҡыусылары тәбиғәтте һаҡлау, тирә-яҡты сүп-сарҙан таҙартыу буйынса бик күп эштәр башҡара. Мәҫәлән, ҡоштарҙы сатлама һыуыҡтарҙан һаҡлау өсөн улар йыл һайын “Тағараҡ” операцияһы үткәрә. Уның барышында балалар “Иң матур”, “Иң уңайлы”, “Иң шәп” ҡоштар “ашханаһын” әҙерләү буйынса көс һынаша. Шуныһы ҡыуаныслы, уҡыусыларға ата-әсәләре был йәһәттән бик ҙур ярҙам күрһәтә, үҙҙәре лә сәмләнеп ярышҡа ҡушыла. 
 
Рима Ғүмәр ҡыҙы Әминева үҙенең 3-сө класс уҡыусылары менән “Тағараҡ” операцияһында йыл һайын ҙур теләк менән ҡатнаша. Балалар беҙҙең яҡтарҙа ниндәй ҡоштар ҡышлауын, улар ниндәй һыйҙы яратыуын да бик яҡшы белә. Тыуған яғын, тәбиғәтен яратҡан кескәйҙәр булған саҡта беҙҙең киләсәгебеҙ ҙә өмөтлө.
Гүзәл ИҪӘНГИЛДИНА.
Автор фотоһында:
3-сө класс уҡыусылары тағараҡтарын элә.

Комментариев нет:

Отправить комментарий

Примечание. Отправлять комментарии могут только участники этого блога.