Яңы ысулдың өҫтөнлөктәре бар – почта сығымдары булмағанға күрә электрон гәзиткә ярты йылға яҙылыуҙың хаҡы 126 һум тәшкил итәсәк. Был иһә ҡағыҙ версияға ҡарағанда ике тапҡырға осһоҙ тигәнде аңлата. Шулай уҡ “Һаҡмар”ҙың һандары интернет аша ваҡытында электрон почта йәшнигегеҙгә килеп ятасаҡ.
Әйткәндәй, гәзиттең сайты булһа ла, унда бар мәғлүмәт, ҡотлауҙар, иғландар, телевидение программаһы бирелмәй. Ә электрон форматта быларҙың барыһы ла буласаҡ. Өҫтәүенә, фотоһүрәттәр PDF-гәзиттә төҫлө биреләсәк.
Яңыса яҙылырға теләүселәр өсөн киләһе һандарҙа махсус квитанция өлгөһө күрһәтеләсәк. Йәшәгән урынығыҙ уның өҫкө өлөшөнә яҙылһа, аҫҡы өлөшөнә иһә гәзит ебәреләсәк электрон почта адресы күрһәтелергә тейеш. Квитанцияны тултырғас, уны редакцияға ебәрергә кәрәк. Һорауҙарығыҙ булһа, 2-14-99 телефонына шылтыратырға мөмкин. Тулыраҡ мәғлүмәт “Һаҡмар”ҙың сайтында – http://www.hakmar.ru/.
Электрон гәзитте компьютерҙа PDF-файлдарҙы асҡан программа аша уҡырға мөмкин буласаҡ.
Киләһе йылдан “Һаҡмар”ҙың электрон версияһына яҙылырға мөмкин буласаҡ. Был иһә заманға ярашлы итеп эшләнә. Республиканың күп гәзит-журналдары был алымды күптән уңышлы ҡуллана.
Комментариев нет:
Отправить комментарий
Примечание. Отправлять комментарии могут только участники этого блога.