2 июл. 2012 г.

 Яңылыҡтар

     Эшҡыуарҙар иғтибарына

     Быйыл 18 майҙа Өфөлә Хөкүмәт Йортонда бәләкәй һәм урта эшҡыуарлыҡҡа ярҙам итеү мәсьәләләре буйынса уҙған кәңәшмәләрҙә ҡабул ителгән ҡарарҙарға ярашлы, “Урал аръяғының эшлекле донъяһы” бизнес үҙәге бәләкәй һәм урта эшҡыуарлыҡ субъекттарына түбәндәге мәғлүмәтте еткерә. Был субъекттар 3 айҙан 3 йылға тиклем арауыҡҡа йылына 8 процент ставка менән 30 млн һумға тиклем кредит алыуҙа (БР Хөкүмәтенең 2010 йылдың 8 февралендәге 35-се ҡарары) һәм бер йылға тиклем 10 процент менән 1 млн һумға тиклем микрофинанслауҙа ҡатнаша ала.
     Адресы: Сибай ҡалаһы, Индустриаль шоссе урамы,32. Телефондар (34775) 2-22-92, 2-33-82. E-mail: busincub@mail.ru.

     Ғаризалар ҡабул итеү ваҡыты оҙайтылды

     “Рәсәй йәш эшҡыуары – 2012” төбәк конкурсында ҡатнашыусыларҙан ғаризалар ҡабул итеү ваҡыты 10 июлгә тиклем оҙайтылды. Унда 14 йәштән 30 йәшкә тиклемгеләр ҡатнаша ала.
     Теләгәндәр Өфө ҡалаһы, Ленин урамы, 10 адресы буйынса урынлашҡан Башҡортостан Республикаһының йәштәр сәйәсәте һәм спорт министрлығына заявкалар тапшыра ала.

     Почта картаһы

     Рәсәй почтаһы “Русский стандарт” банкы менән берлектә “Почта картаһы” тип аталған яңы хеҙмәт төрөн булдырған. Халыҡ картаға аҡса һалып, уның аша төрлө хеҙмәттәр, торлаҡ-коммуналь уңайлыҡтар өсөн түләй ала. Был уңайлыҡ менән файҙаланырға теләүселәр Баймаҡ почтамтына мөрәжәғәт итһен.

     Машина йыуалар...


     Башҡортостан Республикаһының Тәбиғәтте файҙаланыу һәм экология министрлығының Сибай төбәк комитетынан хәбәр итеүҙәренсә, Баймаҡ районындағы йылға-кисеүҙәрҙә, Талҡаҫ һәм Граф күлдәре буйҙарында күпләп шәхси машиналарҙы йыуыу факттары асыҡланған. Башлыса такси хеҙмәте күрһәткән машиналарҙың хужалары ошондай тәртип боҙоуҙарға бара. Рәсәй Федерацияһының Административ хоҡуҡ боҙоуҙар тураһындағы кодексының 8,13-сө статьяһына ярашлы, бындай осраҡтарҙа физик берәмектәргә – 2 мең һумға, ә юридик берәмектәргә 4 мең һумға тиклем 
штраф һалыу ҡаралған.

     Ял ваҡыттары күсерелә

     Рәсәй Федерацияһының Дәүләт Думаһы илдең Хеҙмәт кодексына төҙәтмәләр менән закон проектын ҡабул итте. Төҙәтмәләргә ярашлы, 2013 йылдан май байрамдары Яңы йыл каникулы иҫәбенә ике көнгә оҙайтыла.
     Шул уҡ ваҡытта Рәсәйҙә ғинуарҙағы байрам көндәре ундан һигеҙ көнгә тиклем ҡыҫҡартыла. Был ике көн 1 йәки 9 май көндәренә өҫтәләсәк, тип хәбәр ителә Өфө хакимиәте сайтында.

ӘРМЕ — 2012

     Баймаҡ егеттәре Ватан һағына баҫты

    
     28 июндә, Рәсәй йәштәре көнөнә арнап, буласаҡ һалдаттарҙы әрмегә тантаналы оҙатыу ойошторолдо. Унда район хакимиәте башлығы урынбаҫары И.Ә. Зәйнуллин, район ветерандар советы рәйесе Т.Ш. Бикҡолов, йәштәр комитеты белгесе Г.Ғ. Баййегетова, реабилитациялау үҙәгенең педагог-психологы Н.М. Хажина ла ҡатнашты.

“ЙӘШЕЛ УРАҠ”

   “Мал аҙығын етерлек тупларға мөмкин”     – тип белдерә “Рассвет” АХК-һы эшсәндәре


     Районда ауыл хужалығы предприятиелары мал аҙығы әҙерләүҙе дауам итә. Көндәрҙең эҫе тороуы, яуым-төшөмдөң етерлек булмауы, ҡоротҡос бөжәктәрҙең “һөжүме” был эштә ҙур ҡыйынлыҡтар тыуҙыра. Кисәге көнгә 3644 гектарҙа үлән сабылған, йәмғеһе 2832 тонна сенаж, 372,3 тонна бесән тупланған. 

КӨНҮҘӘК МӘСЬӘЛӘ

     Тарифтар арта, хаҡтар күтәрелә


     2012 йылдың 1 июленән торлаҡ-коммуналь хеҙмәтләндереү өсөн тарифтар арта. Баймаҡ районы муниципаль район хакимиәтенең иҡтисад бүлегенән алынған мәғлүмәттәргә ҡарағанда, хаҡтар быйыл ике тапҡыр: 1 июлдән һәм 1 сентябрҙән күтәреләсәк.
 

КӨНҮҘӘК МӘСЬӘЛӘ

     ҠЫШҠА ӘҘЕРБЕҘМЕ?


     Бөгөн киләһе ҡышҡа әҙерлек саралары махсус планға ярашлы алып барыла. Әле ниндәй хәл ителмәгән мәсьәләләр бар, ҡайҙа, нимәләр эшләнә? Ошо һәм башҡа һорауҙарға яуап эҙләп беҙ Баймаҡ ҡала биләмәһе башлығы И.Ә. БУРАНШИНҒА мөрәжәғәт иттек.

АКЦИЯЛАР

“Һәр кешегә үҙ милләте
өсөн ғорурлыҡ хас...”


     Кешелек барлыҡҡа килгәндән алып, һәр быуын шатлығын да, ҡайғыһын да кисерә, төрлө афәткә дусар була, уны еңеү юлдарын эҙләй һәм табыуға өлгәшә. Беҙҙең йәмғиәткә аслыҡ-яланғаслыҡ янамаһа ла, әҙәм балаларын СПИД, наркотиктар, эскелек себен урынына ҡыра. Етмәһә, илебеҙгә генә түгел, ә бар Ер шарына терроризм һәм экстремизм хәүефе янай.

ХОҠУҠ ҺАҠЛАУ

     Врач сере асылһа...

     Мировой судья, адвокат, депутатҡа врач сере булған мәғлүмәтте (граждандың психиатрия учреждениеһында күҙәтелеүе тураһында) бирергә буламы?

ЮБИЛЯР ТҮРҘЕ БИҘӘР

     90 йәшен тултырҙы инәйебеҙ

     Тыныс тормош өсөн көрәш алып барған инәй-олатайҙарыбыҙ сафы кәмей бара. Ләкин уларҙың башҡарған эштәре оло тарихи ваҡиғалар булып һаҡланып ҡала. Шуның өсөн дә беҙгә, йәш быуын вәкилдәренә, уларҙы онотмаҫҡа, хәтерләргә, хөрмәт итергә һәм ғорурланырға кәрәк.
 
     Ошо көндәрҙә Манһыр ауылында тыуып үҫеп, бөгөн Ҡарамалы ауылында йәшәүсе Кәлимуллина Маһия Ғүмәр ҡыҙы үҙенең 90 йәшлек оло юбилейын билдәләй. Маһия инәй бала сағынан алып хеҙмәт кешеһе булараҡ таныла. Ул һуғыш йылдарының тыл яландарында барған көрәштең әсе-сөсөһөн татыған кеше.

ХӘТЕР

     Эшһөйәрлеге таң ҡалдырҙы...


     Әхәт Сыбарғошов Әбделкәрим ете йыллыҡ мәктәбен тамамлағас, Күмертауҙа экскаваторсы ярҙамсыһы булып эшләне. Ул йылдарҙа егеттәрҙе эшселәр рәтенә йыя торғайнылар. Әммә ағайымдың йәше тулмау сәбәпле, кире ҡайтарҙылар. Тик ул бирешә, юғалып ҡала торған кешеләрҙән түгел ине. Ең һыҙғанып ауылда эш башланы. 1951 йылда Ҡыуат ауылына локомобиль алып килеп, электр уты бирә башланылар. Уның өсөн бик күпте белергә, ырҙынға двигателдәр ҡуйып иген таҙартҡан машиналарға, пилорамаға, тирмәнгә лә утты һуҙырға кәрәк ине.

ЙЫЛЫ ҺҮҘ – ЙӘН АҘЫҒЫ

     Рәйсә – һоҡланғыс уҡытыусы


     Тормошта шундай һоҡланғыс кешеләр осрай, улар һис ҡасан онотолмай, мәңгелеккә һинең күңелеңде биләп ала. Шундайҙарҙың береһе – Иҫке Сибай урта мәктәбенең математика уҡытыусыһы Р.Ә. Хәмитова.

КОНКУРСТАР

     Мөғжизәле тыуған яғым

    
     Һөйәм һине, ғәзиз тәбиғәтем,
     Мөһабәт тау, алтын һыуҙарың.
     Бары һиндә күрәм киләсәгем,
     Бары һинең хаҡта уйҙарым.