6 июл. 2012 г.

Яңылыҡтар

Халыҡты ҡабул итеү

6 июлдә сәғәт 2-лә муниципаль район хакимиәте бинаһында (Баймаҡ, С.Юлаев проспекты, 36, видеоконференция залы) БР Сауҙа һәм ҡулланыусылар хоҡуҡтарын яҡлау буйынса дәүләт комитеты рәйесе Илдар Илдус улы Әхмәтшин граждандарҙы ҡабул итеү ойоштора. Үҙегеҙ менән шәхесте аныҡлаусы документ алып килергә кәрәк.
Белешмә өсөн телефондар: 3-10-07, 3-10-15.

Асфальт һалына

“Мегаполис” сауҙа комплексы янынан үткән юлдың яҡшырыуына, асфальт түшәлеүенә ҡалала йәшәүсе һәр кем иғтибар иткәндер. Һуңғы ваҡытта Баймаҡ ДРСУ-һы был эшкә етди иғтибар бирә. Коммунистик урамы, С.Юлаев проспекты буйлап күп фатирлы йорттарҙа урынлашҡан магазиндар алды, “Күбәләк” балалар баҡсаһы яны, Чекмарев урамындағы йорт араһындағы юлдар төҙөкләндерелде. Был эш артабан да дауам итәсәк.

“Мөхәббәт ағасы” тергеҙелде

Салауат Юлаев исемендәге ял һәм мәҙәниәт паркында эшләгән “Тылсымлы донъя” балалар аттракционы ҙур ҡалаларҙан һис тә ҡалышмаған уйын, күңел асыу хеҙмәттәре тәҡдим итә. Тирҙа, дартста мәргәнлеккә ярышыу, электромобилдәр, самокат, роликлы конькиҙәр прокаты, батутта һикереү, төрлө уйындар, “тере мөйөш”, ял итеү бүлмәһе һәм башҡалар бының эсенә инә. Әйткән-дәй, былтыр ҡуйылып, йәш парҙарҙы һөйөндөргән, ләкин билдәһеҙ кешеләр тарафынан юҡҡа сығарылған “Мөхәббәт ағасы” яңынан тергеҙелде.

Ярҙам итегеҙ!

Хөрмәтле райондаштар!
Һаҡмар ауылында йәшәгән икенсе төркөм инвалиды Нуридә Яҡуповаға ашығыс рәүештә операция талап ителә. Ил төкөрһә – күл була, тиҙәр. Нуридәнең туғандары райондаштарының уға ярҙам итеүен үтенә. Медицина ярҙамы талап ителеүе тураһындағы документтар бар. Кем күпме бирә алһа ла, Яҡуповтар уларға ысын йөрәктән рәхмәтле буласаҡ.
Һаҡлыҡ банкыһындағы иҫәп һаны 42307 810006522553176.
Яҡупова Нуридә Ғәлиәхмәт ҡыҙы өсөн.

“Йәшел ураҡ”

Бар өмөт – ямғырға


Көндәрҙең эҫе тороуы, яуым-төшөмдөң булмауы бар тереклек өсөн афәткә әйләнде. һуңғы йылдарҙа ҡабатланып килгән ҡоролоҡ ауыл хужалығы тармағына ла етди һынау ҡуя. Шулай ҙа эшсәндәр бирешмәй, бурыстарын мөмкин тиклем теүәл үтәргә тырыша. Быны беҙ шишәмбелә Салауат исемендәге АХК-ла барған эштәр миҫалында ла асыҡ күрҙек.
 

Абитуриенттар иғтибарына

Уҡыуға йүнәлтмәләр бирелә

 Башҡортостан Республикаһы Президентының 2012 йылдың 21 июнендәге 431-се ҡарары менән раҫланған маҡсатлы ҡабул итеү планына ярашлы, Баймаҡ районына юғары белем биреү учреждениеларына уҡырға инеү өсөн маҡсатлы урындар бүленде.
Вуздарға маҡсатлы йүнәлтмәләр алыу өсөн муниципаль район хакимиәтенең мәғлүмәт-аналитика һәм кадрҙар менән эшләү бүлегенә (306(б)-сы бүлмәгә) түбәндәге документтар менән мөрәжәғәт итергә:
  • паспорт;
  • урта белем тураһындағы аттестат;
  • БДИ һөҙөмтәләре тураһындағы сертификат.

Кәңәшмәләр

Документһыҙ объект –объект түгел


Баймаҡ ҡалаһының 75 йыллыҡ юбилейын билдәләйәсәге бер кемгә лә сер түгел. Ошо сара айҡанлы ҡалалағы байтаҡ ҡына биналарҙың ремонтланасағы, төҙөкләндереләсәге, яңы объекттар төҙөләсәге тураһында алдан хәбәр иткәйнек инде. Ысынлап та, беҙҙә быға тиклем булмаған Никах йорто, ҡала уртаһындағы быуа аша аҫылмалы күпер үҙе генә ни тора?!

ЮХХДИ иҫкәртә

Штрафтар күләме артты


2012 йылдың 1 июленән йылылыҡҡа, газға, электр энергияһына хаҡтар күтәрелеү менән бер рәттән юл хәрәкәте ҡағиҙәләрен боҙоусы автомобилистарға ҡарата штрафтар ҙа артты.

Шәфҡәтлелек

Сәлиә Мырҙабаева:
“Бергәләшеп бар ауырлыҡтарҙы еңәсәкбеҙ”


Нефтекама ҡалаһында йәшәгән инвалид балаға сәләмәтлеге өсөн бик тә кәрәкле булған инсулин помпаһын тапшырғандар. Русфондтың Башҡортостандағы бюроһы хәбәр итеүенсә, прибор өсөн аҡса тулыһынса йыйылған, бар сығымдар ҡапланған.

Мәғариф

Училищенан – лицейға


105-се һөнәрселек училищеһына лицей статусы бирелеүе юҡҡа ғына түгел. Төбәктең ауыл хужалығы һәм башҡа тармаҡтарына квалификациялы эшселәр әҙерләүсе уҡыу йортонда хәҙер юғары мөмкинлектәр асылды. Исем үҙгәреү айҡанлы уҡыу-уҡытыу эшендә барлыҡҡа килгән үҙгәрештәр менән түбәндә 105-се профессиональ лицейҙың өҫтәмә белем биреү етәксеһе, методист Рауил Вәкил улы Ғәйетбаев таныштыра.

Уңғандар беҙҙең арала

Әбделкәримдең эшһөйәр баҡсасылары



Әбделкәрим ауылынан килтерелгән ҡыярҙарҙы Баймаҡ баҙарында ҙур теләк менән, хатта ҡайһы саҡта талашып алалар. Сөнки йәшелсә яңы ғына түтәлдән өҙөп алынғандай йоҡа ғына ҡабыҡлы, сөсө булыуы менән айырыла. Хужабикәләр: “Тоҙлауға ла һәйбәт!” – тип маҡтай.
 

Редакция почтаһынан

Ямғыр һорап теләккә сығайыҡ!




Хөрмәтле мосолман ҡәрҙәштәр һәм район халҡы, һеҙгә мөрәжәғәт итәм.
Бар булған кешелек донъяһы, һәммә йән эйәләренең берҙәй йәшәү сығанағы иң әүәл ул – ашау-эсеү. Бына ошо муллыҡ булһын өсөн беҙ, бар халыҡ, мәсет имам-хатиптары һәм район етәкселәре, ошо арала һөйләшеп, көн тәғәйенләп, Аллаһы Тәғәләнән ямғыр һорап теләк ғәмәленә сығайыҡ.

Коррупцияға ҡаршы

Мәғлүмәт булырға тейеш



Район прокуратураһы хеҙмәткәрҙәре урындағы үҙидара органдары тарафынан “Коррупцияға ҡаршы” Федераль Законының үтәлешен тикшерҙе. “Дәүләт һәм урындағы үҙидара органдарының эшмәкәрлеге тураһындағы мәғлүмәткә рөхсәт алыу” законына ярашлы, 19 ауыл советы биләмәһендә етешһеҙлектәр табылды. Улар Интернет селтәрендә тауарҙарға заказдар, эш, хеҙмәтләндереү һ.б. тураһындағы мәғлүмәтте урынлаштырмаған.
 
Шуға күрә район прокуратураһы 19 ауыл биләмәһе башлығына административ хоҡуҡ боҙоу тураһында эш ҡуҙғатты. Хәҙерге ваҡытта мировой судья тарафынан 5 ауыл биләмәһе башлығына административ штраф һалыныуы тураһында ҡарар сығарылды.
 
Е. МИХАЙЛОВ,
прокурорҙың өлкән ярҙамсыһы. 

Юбиляр түрҙе биҙәр

Бергә-бергә – ғүмергә!


Һәр кемгә һыйынырлыҡ йылы усаҡ, тыныс урын булыуы мөһим. Ғаилә – ул иң оло таянысыбыҙ, иң ышаныслы һыйыныр усағыбыҙ. Унда бер-береһен яратҡан, хәстәрлек күргән кешеләр йәшәй. Нисек кенә булмаһын, кеше шул ғаилә ҡосағында ял итә, рухи көс, дәрт-дарман йыя, күңелен бушатып, йән йәрәхәттәрен дауалай ала. Ғаилә ни тиклем ныҡ булһа, унан килгән йылылыҡ та шул тиклем көслө була. “Ныҡлы ғаилә – ил терәге”, – тип юҡҡа ғына әйтмәйҙәрҙер.

Акциялар

Иң яҡшыһы – һинең өсөн...


Йырсы Рәил Өмөтбаев һәм «Һаҡмар» гәзите Түбә балалар йортонда акция ойоштора

2012 – Имен бала саҡ һәм ғаилә ҡиммәттәрен нығытыу йылы

Ил тарихы менән

ишелеп үҫкән яҙмыш


Баймаҡ ҡалаһында йәшәүсе һикһән алты йәшлек әсәйем Менәүәрә Хәйрулла ҡыҙы Сөләймәнованың ғүмер юлы ил тарихы менән ишелеп үҫеп, тормош йылдары ауыр осорҙа үткән меңәрләгән башҡорт ҡатындарының яҙмышына оҡшаған.