11 сент. 2012 г.

Хроника




     Баймаҡ районы муниципаль район хакимиәте башлығының социаль мәсьәләләр һәм кадрҙар сәйәсәте буйынса беренсе урынбаҫары итеп үткәрелгән конкурс һөҙөмтәләре буйынса Йәндәүләтов Илһам Миңлеғәле улы тәғәйенләнде.

“Күлтабан” МУП-ы: тәүге аҙымдар ышаныслы


Яңы ойошторолған предприятие уңышлы эш башланы

Алдынғы механизатор Әғзәм Мәүлетҡолов (уңда)
сәсеүсе Фәнил Ғәлин менән.
 

     Билдәле булыуынса, бынан бер нисә йыл элек Күлтабан ауылында заман талаптарына яуап бирерлек ҡеүәтле производство – 1280 баш малға иҫәпләнгән мегаферма төҙөлөшө башланғайны. Быйыл, ниһайәт, уның беренсе сиратын төҙөү эштәре тамамлана. Эре производствоның эшен координациялау маҡсатында бында “Күлтабан” МУП-ы ойошторолдо һәм районда тағы бер ҙур предприятие барлыҡҡа килде.     

3D ФОРМАТЫНДАҒЫ КИНО ҠАРАП БУЛАСАҠ



Баймаҡ ҡалаһындағы берҙән-бер “Ирәндек” кинотеатрына күптән инде капиталь ремонт талап ителә. Бинаның тейешле талаптарға яуап бирмәүе, ҡыйығынан һыу үтеүе сәбәпле, стеналары һәм түбәнең  ҡарайыуы күптәргә мәғлүмдер. Ҡараңғылыҡ хөкөм һөргән бинаны мәҙәниәт усағы тип атау ауыр. Һәм бына, ниһайәт, проблемалар хәл ителеү өҫтөндә: Баймаҡ ҡалаһының 75 йыллығын ҡаршылау маҡсатында ҡабул ителгән махсус программаға ярашлы, кинотеатрҙы реконструкциялау ҡаралған. Мәҙәниәт усағында ниндәй эштәр башҡарыласаҡ? Ниндәй үҙгәрештәр буласаҡ?

“ХАЛЫҠ УНИВЕРСИТЕТЫ”НА РӘХИМ ИТЕГЕҘ!


2011-2013 йылдарға “Халыҡ университеты” республика маҡсатлы программаһын бойомға ашырыу сиктәрендә Баймаҡ районы һәм Баймаҡ ҡалаһы буйынса хеҙмәт һәм халыҡты социаль яҡлау идаралығы бүлеге оло йәштәге граждандарҙан түбәндәге йүнәлештәр буйынса белем алыу өсөн ғаризалар ҡабул итә:


  • “Компьютерҙа эшләү нигеҙҙәрен өйрәнеү”, “Инглиз телен өйрәнеү”, “Ғаилә психологияһы нигеҙҙәрен өйрәнеү”, “Шәхси гигиена һәм дауалау физкультураһы нигеҙҙәрен өйрәнеү”. Уҡыуҙар үткәреү урыны – белем биреү йорто булған һәр ауылда һәм ҡалала, 15-20 кешенән торған уҡыу төркөмө тупланыу менән;
  • “Емешселек-йәшелсәселектә заманса технологиялар” – уҡыуҙар үткәреү урыны – Баймаҡ ҡалаһындағы 105-се һөнәрселек лицейы һәм Урғаҙа ауылындағы Баймаҡ ауыл хужалығы техникумы;
  • “Хоҡуҡи белем” – Өфө яғыулыҡ-энергетика колледжының Баймаҡ филиалы;
  • “Финанс ярҙам” – Урғаҙа ауылындағы Баймаҡ ауыл хужалығы техникумы.

Ғаризалар Баймаҡ ҡалаһы, Тыныслыҡ урамы, 1 (203-сө бүлмә) адресы буйынса Баймаҡ районы һәм Баймаҡ ҡалаһы буйынса хеҙмәт һәм халыҡты социаль яҡлау идаралығы бүлегендә һәр айҙың 1-нән 25-енә тиклем дүшәмбе, шишәмбе, шаршамбы көндәре ҡабул ителә.
Белешмәләр өсөн телефон: 3-18-81.


Т. ДЕНИСОВА, Баймаҡ районы һәм Баймаҡ ҡалаһы буйынса хеҙмәт һәм халыҡты социаль яҡлау идаралығының бүлек начальнигы.

РОСРЕЕСТРҘА – ЯҢЫ ХЕҘМӘТ


     2012 йылдың 23 авгусынан Башҡортостан Республикаһы буйынса дәүләт теркәүе, кадастр һәм картография федераль хеҙмәте идаралығында төрлө һорауҙар менән мөрәжәғәт итеүселәр өсөн яңы хеҙмәт төрө индерелде. Хәҙер идаралыҡ күсемһеҙ милеккә, уның менән алыш-биреш итеүгә  хоҡуҡтарҙы дәүләт теркәүе үткәреүҙе туҡтатыу йәки кире ҡағыу тураһында граждандарға sмs-хәбәр ебәрә. Был хеҙмәт Башҡортостан Республикаһында йәшәгән һәр кемгә күрһәтелә.


     Теркәүгә документтар пакеты тапшырғанда граждандар үҙҙәренең телефон номерҙарын ҡалдыра һәм хоҡуҡи экспертиза үткәреү процесында теркәүҙе туҡтатыуға ҡаршылыҡтар килеп тыуһа йәки кире ҡағыуға нигеҙ булһа, был хаҡта ғариза биреүсегә автоматик рәүештә sмs-хәбәр ебәрелә.
     Был хеҙмәт төрө айырыуса ниндәйҙер сәбәптәр буйынса хоҡуҡтарҙы йәки алыш-биреш итеүҙе теркәү туҡтатылғанда бик отошло. Ғариза биреүсе дәүләт теркәүе үткәреү өсөн килеп тыуған ҡаршылыҡтарҙы оператив хәл итеүгә тотонасаҡ.
     Ошоноң менән бәйле, дәүләт теркәүенә ғариза биргәндә үҙегеҙҙең мобиль телефон һандарын дөрөҫ күрһәтергә онотмағыҙ.

“ДУҪЛЫҠ” ЭСТАФЕТАҺЫ ТАМАМЛАНД



     Ошо көндәрҙә Белорет ҡалаһында “Дуҫлыҡ” эстафетаһы акцияһының йомғаҡлау сараһы уҙҙы. Унда муниципаль район хакимиәтенең йәштәр эштәре буйынса секторы мөдире З.Р. Яҡшығолова етәкселегендәге делегация ҡатнашты. Эстафета символы булған статуэтка ҡабаттан беҙгә әйләнеп ҡайтты. Әйткәндәй, май айында старт алған был акцияны БР Йәштәр сәйәсәте һәм спорт министрлығы балалар һәм йәштәр ойошмалары, муниципаль район хакимиәттәре менән берлектә ойошторҙо. Акцияның төп маҡсаты – йәштәр араһында толерантлыҡты һәм милләт-ара татыулыҡты пропагандалау.      

Кеше малы йәл түгел...



       Хәҙерге шарттарҙа, бигерәк тә бер нисә йыл рәттән килгән ҡоролоҡ мәлендә, мал көтөүе ауырға төшә. Шуға күрәлер инде, хатта ауылдарҙа ла, һыйыр-һарыҡтың һаны кәмей бара. Әммә күп ғаиләләр өсөн мал көтөү – ғаиләһен ҡарауҙың төп ысулы икәнлеген дә оноторға ярамай. Хужабикәләр ҡалған һөт-ҡаймағын һатып, аҡса эшләй. Кешеләрҙең мал һуйып балаларын уҡытыуы йәки яңы уҡыу йылына әҙерләүе лә билдәле.