Гәзитебеҙ фәһемле булһын!
Күңелдәргә яҡты өмөттәр, киләсәккә ышаныс өҫтәп, Яңы – 2012 йылды ла ҡаршы алдыҡ. Ул беҙҙең һәр кемебеҙ өсөн бәхет-шатлыҡтар ғына алып килеүен, балаларҙың тик шат тауыштары яңғырауын, донъяларҙың имен булыуын теләйек.
Яңы йыл әле генә тыуһа ла, гәзит уҡыусыларыбыҙҙың әүҙем яҙыша башлауы, яңылыҡтары, ҡыуаныстары менән ихлас уртаҡлашыуҙары өсөн рәхмәтебеҙҙе белдергебеҙ килә. Быйыл да һеҙҙән фәһемле, матур эстәлекле хаттар алырбыҙ, тип ышанабыҙ.
Билдәле булыуынса, 2012 йыл – Рәсәй тарихы йылы тип иғлан ителде. Шуға күрә гәзит уҡыусыларыбыҙ ошо ҡыҙыҡлы өлкәне лә урап үтмәҫ, тип уйлайбыҙ.
“Һаҡмар” гәзитенә төрлө проблемалар күтәреү менән бер рәттән, уларҙы хәл итеү юлдарын тәҡдим иткән хаттар ҙа килһен ине. Шулай уҡ кешеләрҙең аноним хат яҙыуы йәки гәзит аша үҙенең шәхси мәсьәләләрен (күршеһенә, туғандарына яла яғыу һ.б.) хәл итергә маташыуы ла борсоуға һала. Әлбиттә, беҙ бар хаттарҙы ла ҡарайбыҙ, тикшерәбеҙ, тейешле органдарға йүнәлтәбеҙ, әммә уларҙы гәзиттә баҫтырып булмауын аңлаһағыҙ ине.
2012 йылда гәзитебеҙҙең йөкмәткеһе һеҙҙең ярҙамығыҙ менән тағы ла ҡыҙыҡлыраҡ, фәһемле һәм уҡымлы булыр тип ышанабыҙ, дуҫтар!
Күңелдәргә яҡты өмөттәр, киләсәккә ышаныс өҫтәп, Яңы – 2012 йылды ла ҡаршы алдыҡ. Ул беҙҙең һәр кемебеҙ өсөн бәхет-шатлыҡтар ғына алып килеүен, балаларҙың тик шат тауыштары яңғырауын, донъяларҙың имен булыуын теләйек.
Яңы йыл әле генә тыуһа ла, гәзит уҡыусыларыбыҙҙың әүҙем яҙыша башлауы, яңылыҡтары, ҡыуаныстары менән ихлас уртаҡлашыуҙары өсөн рәхмәтебеҙҙе белдергебеҙ килә. Быйыл да һеҙҙән фәһемле, матур эстәлекле хаттар алырбыҙ, тип ышанабыҙ.
Билдәле булыуынса, 2012 йыл – Рәсәй тарихы йылы тип иғлан ителде. Шуға күрә гәзит уҡыусыларыбыҙ ошо ҡыҙыҡлы өлкәне лә урап үтмәҫ, тип уйлайбыҙ.
“Һаҡмар” гәзитенә төрлө проблемалар күтәреү менән бер рәттән, уларҙы хәл итеү юлдарын тәҡдим иткән хаттар ҙа килһен ине. Шулай уҡ кешеләрҙең аноним хат яҙыуы йәки гәзит аша үҙенең шәхси мәсьәләләрен (күршеһенә, туғандарына яла яғыу һ.б.) хәл итергә маташыуы ла борсоуға һала. Әлбиттә, беҙ бар хаттарҙы ла ҡарайбыҙ, тикшерәбеҙ, тейешле органдарға йүнәлтәбеҙ, әммә уларҙы гәзиттә баҫтырып булмауын аңлаһағыҙ ине.
2012 йылда гәзитебеҙҙең йөкмәткеһе һеҙҙең ярҙамығыҙ менән тағы ла ҡыҙыҡлыраҡ, фәһемле һәм уҡымлы булыр тип ышанабыҙ, дуҫтар!
Гүзәл ИҪӘНГИЛДИНА,
хаттар һәм социаль тормош бүлеге мөдире.
хаттар һәм социаль тормош бүлеге мөдире.
Комментариев нет:
Отправить комментарий
Примечание. Отправлять комментарии могут только участники этого блога.