Яңылыҡтар

    Күсмә вымпел – Күсейҙә

    Ауыл биләмәләре араһында иғлан ителгән төҙөкләндереү буйынса конкурсҡа сираттағы йомғаҡ яһалды. Май айындағы экологик өмәләрҙә әүҙем ҡатнашҡаны, ауылдарҙы төҙөкләндереүгә ҙур өлөш индергәне өсөн район хакимиәте башлығының күсмә вымпелына Күсей ауыл биләмәһе (башлығы С.Р. Йыһаншина) лайыҡ булды.
   

    Фермерҙар кәңәшләште

    105-се һөнәрселек лицейында район фермерҙарының йыйылышы булды. Унда яҙғы баҫыу эштәренә йомғаҡ яһалды, хәл итәһе мәсьәләләр тикшерелде. Һөйләшеүҙә “Баймаҡ” мәғлүмәт-консультация үҙәге директоры Ю.Ю. Әминев, белгес-эксперты Ф.Ғ. Баййегетов, инженеры У.Р. Ғәйнуллин, юрисы Н.А. Филина сығыш яһаны. Кәңәшмә һуңында фермерҙар ассоциацияһының ойоштороу йыйылышын үткәреү һәм унда яңы рәйес һайлау, киләсәккә эш планын билдәләү тураһында килешелде.
   

    БДИ һөҙөмтәләре билдәләнде

    Ошо көндәрҙә тәүге БДИ һөҙөмтәләре билдәле булды. Районда “Информатика һәм ИКТ” фәнен 37 уҡыусы тапшырып, уртаса балл 60,9% тәшкил иткән. Тарихты 48 уҡыусы һайлап (барыһы ла уңышлы тапшырған), уртаса балл 60,5% күрһәткән. Биология фәнен 160 уҡыусы тапшырған. Бында уртаса балл 46,4% тәшкил итә.
   

    Һаулыҡты хәстәрләп

    Районыбыҙҙа “Һаулыҡ” өҫтөнлөклө милли проекты сиктәрендә эшләп йөрөгән граждандарҙы диспансеризациялау дауам итә. Апрель-майҙа Иҫке Сибай, I Этҡол врач участкалары ҡаралған. Баймаҡ врачтары әйтеүенсә, ошо көнгә тиклем 200 кешенең һаулығы тикшерелгән, ә йыл дауамында 600 граждан ҡараласаҡ. Был медицина сараһының төп маҡсаты—йөрәк, туберкулез, шәкәр диабеты, онкологик һ.б. сирҙәрҙе алдан билдәләү һәм иҫкәртеү.

    Саралар гөрләй

    12 июндә район китапханаһында Рәсәй көнөнә арналған сара үтәсәк. Унда 1-се мәктәп уҡыусылары өсөн ошо мөһим байрамға арналған китапхана дәресе, викторина ойоштороласаҡ. 15 июндә иһә Сыңғыҙ ауылында район китапханасылары үҙ-ара көс һынашып, һөнәре буйынса иң-иңен билдәләйәсәк.   

Ирәндек батыры – Даян Ғүмәров

    1-2 июндә Сибай ҡалаһында үткән республика спорт фестивалендә I урын яулап, “Ирәндек батыры-2012” исеменә лайыҡ булған Даян Ғүмәров бала саҡтан физик яҡтан сынығып үҫә. Уның атаһы билдәле уҡытыусы, тренер, көрәшсе Илшат Ғүмәров улында спортҡа һөйөү уята. Ҡәҙерле кешеһе был донъяларҙы иртә ташлап китһә лә, малай атаһының аманатына тоғро ҡалып, ысын көрәшсе булып үҫә. Әсәһе Гөлсәсәк Әбдрәхим ҡыҙы улының спорт менән шөғөлләнеүенә һәр яҡлап булышлыҡ итә. Йылдан-йыл ҙурыраҡ уңыштарға өлгәшкән Даян Ғүмәров: “Мин бар еңеүҙәрем менән атайым һәм әсәйемә рәхмәтлемен”, –ти.  

“ЙӘШЕЛ УРАҠ-2012”

    НЫҠЛЫ АҘЫҠ БАЗАҺЫ БУЛДЫРЫЛАСАҠ

    Ленин исемендәге АХК бесән һәм сенаж әҙерләүҙе башланы

Бесәнселәр звеноһы

    БР-ҙың атҡаҙанған ауыл хужалығы хеҙмәткәре Ғ.Б. Сәлимов етәкләгән Ленин исемендәге АХК райондың агросәнәғәт комплексында лайыҡлы урын биләй. Был хужалыҡ төп тармаҡтарҙы, социаль инфраструктураны үҫтереү буйынса йылдың-йылы юғары күрһәткестәргә өлгәшеп, башҡаларға өлгө булып тора. Яҙғы баҫыу эштәрен дә кооператив игенселәре, районда иң тәүгеләр рәтендә һәм тейешле агротехник талаптар менән ҡулайлы ваҡытта атҡарып сығып, беренсе булып мал аҙығы әҙерләү кампанияһын башланы. Бөгөн төп көс хужалыҡта бесән һәм сенаж әҙерләүгә йүнәлтелгән.

2012 – РӘСӘЙ ТАРИХЫ ЙЫЛЫ

    250 тапҡыр хәрби осош яһаған СОВЕТ ЛЕТЧИГЫ

Ике тапҡыр Советтар Союзы Геройы
Муса Гәрәевтың тыуыуына – 90 йыл

    Легендар осоусы Муса Гәрәевтың исеме республикабыҙҙан ситтә лә киң билдәле. Илебеҙҙең ҡаһарман улы 1922 йылдың 9 июнендә Илеш районы Иләкшиҙе ауылында ябай ғаиләлә донъяға килә. Ул Бишҡурай тулы булмаған урта мәктәбен тамамлай һәм уҡыуын Өфө тимер-юл техникумында дауам итә. Шул осорҙа авиация менән ҡыҙыҡһына башлай һәм Өфө аэроклубына йөрөй. Үҙенең осоусы булыу хыялын тормошҡа ашырыу маҡсатында Энгельс ҡалаһындағы хәрби осоусылар мәктәбенә юллана, ләкин уны тамамларға насип булмай. Ул 1942 йылдың көҙөндә Ватанды һаҡларға яу яланына китә. Хәрби осоусы Сталинград фронтына ебәрелеп, 1945 йылға тиклем Көнсығыш Пруссияғаса утлы һуғыш юлы үтә, тыуған илебеҙҙе немец илбаҫарҙарынан азат итеүҙә батырҙарса көрәшә. 250 тапҡыр хәрби осош яһап, ике тапҡыр  Советтар Союзы Геройы исеменә лайыҡ була.

УҢҒАНДАР БЕҘҘЕҢ АРАЛА

    Барлыҡ йәмен йыйып донъяның...

    “Ауылда йәшәүе күңелһеҙ... Аҡса ла юҡ, эш тә.

    Көндө нисек үткәрергә белеп булмай...”

    Йәш ҡатындарҙың ошондай зар һүҙҙәрен ишеткән һайын, матур тәбиғәт ҡосағына һыйынып ултырған Байым ауылында йәшәгән уңған апай-инәйҙәр күҙ алдыма килә. Уларҙың хужабикәләр түңәрәген ойоштороуын, унда баҡсасылыҡ, ҡул эштәре, өй эштәрен алып барыу, бала тәрбиәләү һ.б. серҙәре менән уртаҡлашыуын Таңһылыу Әхмәтхан ҡыҙы Вәлиеванан бер нисә йыл элек үк ишеткәйнем. Көндәр йылынып, тупраҡ “бешеү” менән Байым хужабикәләренең бар иғтибарын емеш-еләк, йәшелсә, гөл-сәскә үҫтереүгә йүнәлтеүен ишетеп, уларға юл алдыҡ.

Ғ.СӨЛӘЙМӘНОВТЫҢ ТЫУЫУЫНА – 100 ЙЫЛ

    Сәнғәт тип янды

    Мәшһүр ҡурайсы, йырсы һәм педагог, Башҡортостандың халыҡ һәм атҡаҙанған артисы, Салауат Юлаев исемендәге дәүләт премияһы лауреаты, Рәсәй Федерацияһының атҡаҙанған сәнғәт эшмәкәре Ғата Зөлҡәфил улы Сөләймәновтың тыуыуына 14 июндә 100 йыл тула.

Яңылыҡтар

Эҫелә йөк машиналарында йөрөү тыйыла

Башҡортостанда 4 июндән 31 авгусҡа тиклем ауыр йөк транспорты хәрәкәтенә ваҡытлыса сикләү индерелә. Бында көндөҙгө һауа температураһы 32 градустан ашҡан осраҡта ауыр йөк машиналарына ҡаты япмалы трассаларҙан юл йөрөүҙең тыйылыуы тураһында һүҙ бара.
Был сара юл япмаһын деформацияларҙан һаҡлау маҡсатында икенсе йыл рәттән бөтә Рәсәй биләмәһендә ҡулланыла.
 

Яңы “Полесье” алдылар

Ленин исемендәге АХК техник потенциалын маҡсатлы нығытыуҙы дауам итә. Ошо көндәрҙә хужалыҡ 2 млн 686 мең һумлыҡ өр-яңы “Полесье-КГ-1-6” мал аҙығы әҙерләү комбайны һатып алды. Юғары етештереүсәнле техника алдынғы механизатор Фәнис Хәмитовҡа беркетелде. Комбайн әле сенаж әҙерләү эштәренә йәлеп ителгән.
 

Баймаҡ арғымаҡтары – иң етеҙҙәре!

 Бөрйән, Йылайыр, Әбйәлил райондарында, Магнитогорск ҡалаһында үткән һабантуйҙарҙа баймаҡтар ҙур уңыштарға өлгәште. “Аҡморон” АХК-һы, “Баймаҡ” ҒПБ-һы, “Юлыҡ” ЯСЙ-һы арғымаҡтары ат бәйгеләрендә иң етеҙҙәре булып сыҡты һәм төп приздарҙы яуланы. Ә Иҫке Сибайҙан “Шөгөров” КФХ-һының Фрегат ҡушаматлы юртағы Силәбе өлкәһенең Троицк ҡалаһы ипподромында ойошторолған өлкә ат спорты ярыштарында еңеп ҡайтты.
 

Ишейҙәр кәкүк сәйенә сыҡты

Ишей ауылы халҡы урманға кәкүк сәйе байрамына сыҡты. Оло инәйҙәр аят уҡыны, хәйер таратылды. Байрам күңелле уйындар, йыр-моң менән һуғарылды. «Ағинәйҙәр» клубы ағзалары башҡарыуындағы моңло йырҙар, шаян таҡмаҡтар, мәктәп уҡыусыларының сығыштары ла ихлас алҡышланды.
Байрам һуңында бергәләп сәй эсеп, ағасҡа таҫма элеп, теләктәр теләнек, күмәкләп фотоға төштөк. Ҡатнашыусыларҙың барыһына ла рәхмәт белдереп, именлек, һаулыҡ теләйем.
З. Ниғмәтуллина, клуб мөдире.
 

«Юлдаш» баймаҡтарҙы ҡотлай

9 июндә иртәнге сәғәт 9-ҙан 10-ға тиклем «Юлдаш» радиоһы район аграрийҙарына музыкаль сәләм тапшырасаҡ.  Алдынғы игенселәр һәм етәкселәр өсөн йыр-моңдар яңғыраясаҡ.

8 июнь – Социаль хеҙмәткәрҙәр көнө

Кеше хәлен йөрәк тибешенән тойоп

Йыл һайын йәмле июнь айында илебеҙҙә Социаль хеҙмәткәрҙәр көнө билдәләнә. Был көн пенсионерҙарға, инвалидтарға, аҙ тәьмин ителгән ғаиләләргә, ата-әсә ҡарауынан мәхрүм ҡалған балаларға һ.б. – ауыр тормош хәлендә ҡалған кешеләргә үҙҙәрен йәмғиәттең тулы хоҡуҡлы гражданы итеп тойорға ярҙам итеүселәргә арнала.

Сәсеү-2012

Баҫыу эштәре тамамланды

Районыбыҙ игенселәре ҡулайлы агротехник ваҡытта яҙғы сәсеү эштәрен тамамланы. Сәсеү майҙаны быйыл бөтәһе 115 мең гектарҙы тәшкил итте, был үткән осорға ҡарағанда 4 процентҡа күберәк. Шул иҫәптән иген культуралары 65831 гектарҙы биләне (+4 %). Төп аҙыҡ-түлек культураһы – бойҙай – 32336, арпа – 22162 (+39 %), һоло 5272 (+6 %) гектарҙа сәселде.
Иҡтисади яҡтан файҙалы культуралар – ҡарабойҙай (3463 гектарҙа сәселде, был 4,6 тапҡырға күберәк), борсаҡ (1417 га, +54 %) һәм ҡаты бойҙайҙың майҙандары артты.

Уңғандар беҙҙең арала

Хужалыҡ ғорурлығы

Салауат исемендәге АХК-нан Айрат Күсеевты кооперативта ғына түгел, ә район кимәлендә лә алдынғы механизатор, үҙ эшенең оҫтаһы булараҡ яҡшы беләләр. Хужалыҡта дүрт тиҫтә йылға яҡын эшләү осоронда Айрат Нуретдин улы намыҫлы хеҙмәте менән хаҡлы абруй яуланы, район кимәлендәге  ярыштарҙың даими еңеүсеһе булып танылды, бихисап Маҡтау грамоталары менән бүләкләнде.

Халыҡ иғтибарына

Дәүләт иғәнәләрҙе арттырҙы

Башҡортостан Республикаһында пенсияны дәүләт финанслауы программаһында ҡатнашыусылар һаны 220 меңдән ашып китте. Быйыл улар үҙ иҫәбенә 40,5 миллион һум аҡса күсергән, был уҙған йыл менән сағыштырғанда 14 миллион һумға күберәк.

Хоҡуҡ һаҡлау

Коррупция булмаһын өсөн

“Коррупцияға ҡаршы” федераль Закон 2008 йылдың 25 декабрендә ҡабул ителде. Уға тиклем айырым закондың булмауы был күренешкә ҡаршы көрәшкә ҙур тотҡарлыҡ яһай ине.

“Коррупция” һүҙе латин телендә “һатылыу” тигәнде аңлата. Шуны ла билдәләп үтергә кәрәк, һуңғы йылдарҙа коррупция ришүәт алыу менән генә сикләнмәй. Хәҙерге ваҡытта ул сәйәси эшмәкәрҙәрҙең, вазифалы кешеләрҙең ришүәткә һатылыуы, вазифаһын үҙ файҙаһына ҡулланыуы, ҡомһоҙлоҡ арҡаһында эшләнгән енәйәт итеп ҡабул ителә.