Рәсми бүлек

Баймаҡ ҡалаһы ҡала биләмәһе Советы ҡарары
 

Өсөнсө саҡырылыш Башҡортостан Республикаһы Баймаҡ районы муниципаль районы Баймаҡ ҡалаһы ҡала биләмәһе Советына өҫтәмә депутат һайлауҙары үткәреү тураһында

Социаль программа

Халыҡ файҙаһына тотонола

Башҡортостан Республикаһы Президенты Р.З. Хәмитовтың “Халыҡ өсөн эшләйбеҙ” тигән һүҙе республикала бар йәһәттән дә тормошҡа ашырылып, аныҡ эштәр менән нығытыла бара. Урындағы проблемаларҙы хәл итеү маҡсатында муниципалитеттар, ауыл биләмәләре финанс ресурстары менән тәьмин ителә. Улар юл, транспорт, төҙөкләндереү, урамдарҙы яҡтыртыу, һыу, газ тәьминәте буйынса тотонолорға тейеш. Ә беҙҙең район ауыл биләмәләренә бирелгән маҡсатлы аҡса ҡайҙа, нисек тотонола? Ниндәй проблемалар хәл ителгән? Был һорауҙарға яуап эҙләп ауыл биләмәләре башлыҡтарына мөрәжәғәт иттек.

Яҙмыш

«Мин һине ҡиәмәтлек ҡыҙ итеп алам...»

Халҡыбыҙҙың борон-борондан һаҡланып килгән матур йолалары, ғөрөф-ғәҙҙәттәре бихисап. Уларҙың быуындан-быуынға тапшырылып, беҙҙе тәрбиәләүе, рухи ҡиммәттәрҙе һаҡлауы әһәмиәтле. Шундай матур йолаларҙың береһе ул – ҡиәмәтлек ҡыҙ, ул ҡабул итеү. Байым ауылында йәшәгән Зөлфиә Рахманғолова һәм уның ҡиәмәтлек әсәһе Раҡия инәй Арыҫланова менән осрашыу күңелемдә мәңгелек эҙ ҡалдырҙы.

Белгес кәңәше

Страховкалау мотлаҡ кәрәк

Уҡыу йылында уҡыусылар күп ваҡытын мәктәптә уҙғара. Улар һәр ваҡыт педагогтарҙың күҙәтеүе аҫтында булыуына ҡарамаҫтан, балаларҙың шаярыуҙары ҡайһы саҡта йығылыуҙар, йәрәхәт алыуҙар, күҙ йәштәре менән тамамлана. Был ваҡытта нимә эшләргә? Ярҙам һорап кемгә мөрәжәғәт итергә?

Проблема күтәрәбеҙ

«Әсәй! Әсәлек капиталына алынған өйөбөҙ ҡайҙа?» 

«Бер ҡыйырсыҡ икмәк булһасы!..»
Ҡышҡы һыуыҡ көн. Асыҡ ишектән ҡурҡыныс аждаһалай булып ингән ап-аҡ туңдырғыс боҫҡа түҙмәй кескәй өс ҡыҙсыҡ ултырғыс башына менеп торҙо. “Өлкәне” – биш йәшлек апай бәләкәй туғандарын: “Хәҙер тәҙрәнән генә ҡарап торһаҡ, әсәйебеҙ тиҙ ҡайтып етә”, – тип йыуатҡан булды. Береһе – 2007, икенсеһе 2009 йылғы ғына булған балаларҙың уға яуап өндәшергә лә хәле юҡ. Һыуһаған-асыҡҡан балалар илауҙың да файҙаһы булмауын күптән яҡшы аңлай. Табалағы “ризыҡты” тағы ла ашап маташтылар. Юҡ, сейле-бешле, тәмһеҙ, ҡатып бөткән бутҡа булырға тейешле ашты кескәйҙәр ашай алмай шул. Шулай ҙа үҙәкте өҙөп алып барған аслыҡтан бер-ике ҡалаҡ йотҡан булдылар. Ә тамам хәлһеҙләнгән ике йәшлек ҡыҙыҡайҙың тамағынан сей тары үтмәне. Их, исмаһам, бер ҡыйырсыҡ ҡына икмәк булһа! Ҡыҙҙар биҙрәләге боҙҙо алып кимерҙе. Ә әсәй һаман юҡ та юҡ.

Башҡорт атлы дивизияһы төҙөлөүгә – 70 йыл

Онотолмай ялҡынлы йылдар

Рәсәйҙең хәрби данын күтәргән 112-се (16-сы гвардия) Башҡорт кавдивизияһының ойошторолоу тарихынан
Республика йәмәғәтселеге күптән түгел 112-се (16-сы гв.) Башҡорт атлы дивизияһы ойошторолоуының 70 йыллыҡ юбилейын билдәләне. 17 ноябрҙә Өфөлә ошо уңай менән конференция һәм Офицерҙар йортонда тантаналы ултырыш булды.
Дивизияның данлыҡлы хәрби юлын өйрәнеү буйынса урындарҙа күп эштәр башҡарыла. Сара аҙағындағы ҡарарҙа эшләйәсәк нәмәләр байтаҡ булыуы билдәләнде. Батыр яугирҙәрҙең исемен мәңгеләштереү, уларҙың хәрби юлын өйрәнеү буйынса эште дауам итергә кәрәк тип әйтелде.

Яңылыҡтар

Әүҙем хәбәрсе тәбрикләнде

“Башҡортостан” гәзитенең төрлө конкурстар лауреаты Салауат Мөхәмәтшин ошо көндәрҙә Башҡорт дәүләт филармонияһының Ҙур залында гәзит редакцияһы ойошторған Матбуғат байрамында ҡатнашты. “Башҡортостан”ға күп йылдар дауамында әүҙем яҙышҡаны өсөн уға тантаналы шарттарҙа мөхәррирҙең Рәхмәт хаты һәм бүләк тапшырылды.    

Белемле юрист

Үткән аҙнала Башҡортостан Республикаһы Дәүләт Йыйылышы – Ҡоролтайҙың Ҙур залында Юристар көнөнә арналған “Юрист-профессионал – 2011” конкурсы еңеүселәрен билдәләү тантанаһы уҙҙы. Өсөнсө йыл үткәрелгән был сарала “Хоҡуҡи көйләү алымдарын юғары кимәлдә ҡулланған өсөн” номинацияһында муниципаль район хакимиәтенең юридик бүлеге начальнигы Зөлфиә Батыр ҡыҙы Бүләкова еңеү яуланы. 

Ҡар яуасаҡ

Был аҙнала республиканы сағыштырмаса йылы һауа торошо көтә. “Гисметео” сайты биргән мәғлүмәттәргә ҡарағанда, төндә нулдән түбән 6-10 градус, көндөҙ – минус икенән алып минус етегә барып етеүе ихтимал. Аҙна дауамында ҡар яуасаҡ.

А. Ишназаров.  

Һайлайбыҙ ҙа, ярышабыҙ ҙа

Татлыбай ауыл биләмәһендә һайлауҙар әүҙем барҙы. Был көндө беҙҙә шулай уҡ бай йөкмәткеле саралар ҙа үтте. Йәнйегет мәктәбендә йәштәр, уҡытыусылар һәм һайлаусылар араһында волейбол ярышы ойошторолдо. Шулай уҡ “Сәләмәт тәндә – сәләмәт рух” исеме аҫтында спорт һөйөүсе ғаиләләр көс һынашты. Унда Вәлиевтар, Хөсәйеновтар еңеү яуланы.    

Зилә Әмирова.

Әсәләр көнөнә ҡарата

Яңыраҡ Билал ауылында “Ожмах – әсәләрҙең аяҡ аҫтында” тип аталған сара уҙҙы. Унда ауылдың  ҡул эштәре, аш-һыу оҫтаһы булған, гөлдәр, баҡса үҫтергән, шулай уҡ өлгөлө һәм күп балалы әсәләр тәбрикләнде. Һуңынан улар араһында КВН ойошторолдо. Барыһы ла был саранан бик ҡәнәғәт ҡалды.

Р. Булатова,

китапханасы.

 Банк автомобиль бүләк итә

21 ноябрҙән Рәсәй ауыл хужалығы банкыһында яңы акция старт алды. Уның сиктәрендә вкладсыларҙың, лотерея уйынында ҡатнашып, автомобиль отоу мөмкинлеге бар.

Лотереяла Рәсәй ауыл хужалығы банкыһындағы ғәмәлдәге вкладтарын тултырған йәиһә яңыһын асҡан (ул кәмендә 5 мең һум булырға тейеш) клиенттар ҡатнаша ала. Бындай акцияны банк тәүге тапҡыр үткәрә. Унда ҡалала йәшәүселәр ҙә, ауылдыҡылар ҙа ҡатнаша.

Лотереяла уйнау өсөн вкладсыларға 21 ноябрҙән 24 декабргә ҡәҙәр банкының берәй бүлексәһендә махсус купон тултырырға кәрәк. Алты тираждың бер еңеүсеһе “Лада Приора” автомобиле һәм аҡсалата приз аласаҡ. Лотереялар ошо йылдың аҙағынаса аҙна һайын уйнатыласаҡ. Тәүге еңеүселәр ҙә бар. Акция тураһында мәғлүмәтте һәм отош үткәреү тураһында банкының рәсми сайтында  уҡырға мөмкин.  

Хеҙмәт ярышында еңеүселәр

 

“Байҡара” агрофирмаһы районда тотороҡло эшләп килеүсе ауыл хужалығы предприятиеларының береһе. Хужалыҡ йылды яҡшы күрһәткестәр менән тамамлай. Агрофирма (етәксеһе М.Ф. Үҙәнбаев, профком рәйесе А.Р. Бикмөхәмәтова, баш агрономы Ғ.А. Ниғәмәтов) район буйынса иғлан ителгән хеҙмәт ярышында яҡшы күрһәткескә өлгәшеп, 3-сө урынға лайыҡ булды. Предприятие етерлек мал аҙығы, фураж, орлоҡ әҙерләп һалды, малсылыҡта яҡшы күрһәткестәргә өлгәште. Баш зоотехник Д.А. Йәнбәков етәкләгән был тармаҡ ҡымыҙ, һөт етештереү, мал үрсетеү буйынса тотороҡло үҫешкә иреште.

А. Ишназаров фотоһы.

Эшлекле сәфәрҙәр

Премьер-министр – Баймаҡта

Хөкүмәт рәйесе райондағы эштәрҙе юғары баһаланы

Үткән аҙна аҙағында Башҡортостан Республикаһы Премьер-министры А.Ф. Илембәтов эш визиты менән республиканың көньяҡ-көнсығыш төбәгенә сәфәр яһаны. 3 декабрҙә ул беҙҙең районда булып, уның социаль-иҡтисади үҫеше менән танышты, ҡала һәм район предприятиеларының эшмәкәрлеге менән ҡыҙыҡһынды. Премьерҙы ҡала һәм район буйлап район хакимиәте башлығы И.Х. Ситдыҡов оҙатып йөрөнө.

Һайлау – 2011

Һайлауҙар ойошҡанлы үтте

4 декабрҙә Рәсәй Федерацияһы Федераль Йыйылыш Дәүләт Думаһына депутаттар һайланды. Башҡортостан Республикаһы Үҙәк һайлау комиссияһы мәғлүмәттәре буйынса республика халҡының 79,3 проценты үҙенең гражданлыҡ бурысын үтәгән.

Мөрәжәғәтнамә

Күҙ уңында –халыҡ мәнфәғәте

Мәғлүм булыуынса, 30 ноябрҙә  Башҡортостан Президенты Р.З. Хәмитов Дәүләт Йыйылышы – Ҡоролтайға Мөрәжәғәтнамә менән сығыш яһаны. «Халыҡ өсөн эшләргә» тип аталған йыллыҡ программа документында республиканың киләһе йылдағы һәм артабанғы үҫеше өсөн төп йүнәлештәр билдәләнде.

Эшҡыуарлыҡ

«Быйыл уңыш мул булды»

Эшҡыуар Илнур Ямалетдинов Баймаҡ һәм Йылайыр халҡын йәшелсә менән тәьмин итте

Әбделкәрим ауылында тиҫтә йылға яҡын йәшелсәселек менән уңышлы шөғөлләнгән, ул төбәктә генә түгел, ә районда иң уңған эшҡыуарҙарҙың береһе булып танылған Илнур Ямалетдиновты бөгөн яҡшы беләләр.

Бынан 9 йыл элек пай ере алып, үҙ эшен асып ебәргән Илнур Нурбулат улы бөгөн кәбеҫтә, картуф, кишер, сөгөлдөр, теплицала помидор, ҡыяр үҫтерә, игенселеккә лә йөҙ борған. Тәүге аҙымдарын нисек яһауын бына шулай тип хәтерләй